ဘာနေဗျူးမှာ ရီးရဲကို ချဲလ်ဆီးက ဒီနည်းလမ်း ( ၃ ) ခုနဲ့ အနိုင်ယူနိုင်မလား?

သောမတ် တူဟယ်က ပထမအက‌‌ျာ့ ( ၃-၁ ) ရှုံးနိမ့်မှုကို ဆန်တီယာဂို

ဘာနေဗျူးမှာ ပြန်လှန်ပစ်နိုင်ဖို့ ပြင်ဆင်လျက်ရှိပါတယ်။ ဒါပေမယ့် ဘယ်အင်္ဂလိပ်

ကလပ်ကမှ ဘာနေဗျူးမှာ တစ်ဂိုးထက်ပိုတဲ့ ရလာဒ်နဲ့ ရီးရဲမက်ဒရစ်ကို အနိုင်မရဖူးပါဘူး။

ဒါကြောင့် တူဟယ်အနေနဲ့ မဖြစ်နိုင်လုနီးပါး ခက်ခဲတဲ့ အလုပ်ကို ဘယ်လို

စွမ်းဆောင်ပြလို့ရနိုင်မလဲဆိုတာ သုံးသပ်တင်ပြပေးလိုက်ပါတယ်။

( ၁ ) ဗင်နီဆီးယပ် ဂျူနီယာကို ပိတ်ဆို့ထားပါ။

ပထမအကျော့မှာ ကာရင် ဘင်ဇီးမားက ဟက်ထရစ်သွင်းယူပြီး ချဲလ်ဆီးကို

အဓိက ဖျက်ဆီးခဲ့ပေမယ့် သောမတ် တူဟယ်ရဲ့ အသင်းက ဗင်နီးဆီးယက်

ဂျူနီယာဦးဆောင်တဲ့ ရီးရဲဘယ်တောင်ပံကို တားဆီးနိုင်ခြင်း မရှိခဲ့ပါဘူး။

တူဟယ်ကလည်း ဒါဟာ သူ့ရဲ့ အမှားလို့ ဝန်ခံထားပြီး ယခုပွဲစဉ်မှာ ဒါမျိုးထပ်လုပ်လို့မရတော့ပါဘူး။

တူဟယ်က တခါတလေ ပိုပြီးမြန်တဲ့ ရိစ်ဂျိမ်းစ်ကို ခံစစ်( ၃ ) ယောက်တန်းမှာထားပြီး

ကစားဖူးပါတယ်။ အင်္ဂလန်လက်ရွေးစင်က မက်ဒရစ် ဘယ်ခြမ်းကို တားဆီးရာမှာ

ပိုမိုထိရောက်နိုင်ပါတယ်။ ဒါပေမယ့် သူ့ရဲ့ တိုက်စစ်လိုက်ပါနိုင်မှုစွမ်းရည်တွေကိုတော့

ဆုံးရှုံးသွားမှာဖြစ်ပါတယ်။ ဂျိမ်းစ်က ခရစ္စတင်ဆန်ထက်တော့ ဗင်နီကို

တစ်ယောက်ချင်းထိန်းတဲ့နေရာမှာ ပိုပြီး သက်သောင့်သက်သာရှိပါလိမ့်မယ်။

( ၂ ) ဝါရင့်ကွင်းလယ်ကို ဖျက်ဆီးပါ။

တူဟယ်က ပွဲကြိုသတင်းစာ ရှင်းလင်းပွဲမှာ ရီးရဲမက်ဒရစ်က ပထမအကျော့အတွင်း

ဘောလုံးပိုင်ဆိုင်မှုနဲ့ ပွဲကို ထိန်းချုပ်ထားခဲ့တယ်လို့ ဆိုပါတယ်။

( ၂ ) ယောက်ပေါင်း အသက် ( ၆၈ ) နှစ်အရွယ်ရှိပြီဖြစ်တဲ့ လူကာ မိုဒရစ် နှင့် တိုနီ ခရူစ်တို့သာ

ဒီပွဲမှာလည်း ပုံမှန်ခြေစွမ်းရနေမယ်ဆိုရင် ချဲလ်ဆီးရဲ့ ပြန်လာဖို့ မျှော်လင့်ချက်

မရှိသလောက်နည်းသွားပါပြီ။ ဒါကြောင့် ချဲလ်ဆီးအနေနဲ့ ရီးရဲမက်ဒရစ်ကွင်းလယ်

အခက်တွေစေဖို့ press တွေ ၊ counter-press တွေကို ထိထိရောက်ရောက် ပြုလုပ်ဖို့ လိုအပ်ပါတယ်။

ပြီးခဲ့တဲ့နှစ် ရီးရဲနဲ့ တွေ့ဆုံမှုတွေမှာ ကန်တေက ကွင်းလယ်ကို လွှမ်းမိုးထားနိုင်ခဲ့ပြီး

ယခုပွဲစဉ်မှာလည်း သူ့ထံကနေ အကောင်းဆုံးခြေစွမ်း လိုအပ်ပါတယ်။

( ၃ ) ဖြတ်တင်ဘောတွေကနေ တိုက်စစ်ဆင်ပါ။

ရီးရဲရဲ့ ဖြတ်တင်ဘော‌တွေကို တားဆီးရာမှာ အားနည်းမှုရှိတဲ့ အချက်က ဘာစီလိုနာနဲ့

ပွဲစဉ်ကိုကြည့်ရင်သိနိုင်ပါတယ်။ ကတ်တလန်ကလပ်က ပထမပိုင်းအတွင်း တောင်ပံကနေ

တိကျတဲ့ ဖြတ်တင်ဘောတွေမှတစ်ဆင့် သွင်းဂိုး ( ၂ ) ဂိုး ရယူနိုင်ခဲ့ပါတယ်။

ပထမအကျော့ စတန်ဖို့ဒ်ဘရစ်ချ်မှာလည်း ကိုင်ဟားဗတ်က ဂျော်ဂျင်ဟိုရဲ့

ဖြတ်တင်ဘောကို အဆုံးသတ်သွားခဲ့တာဖြစ်ပါတယ်။

ဒုတိယပိုင်းမှာလည်း ဖြတ်တင်ဘောတွေကနေ နောက်ထပ်အခွင့်အရေးတွေ ရခဲ့ပါသေးတယ်။

တူဟယ်ရဲ့ game plan က ဧရိယာထဲ ဖြတ်တင်ဘောတွေပို့ပြီး ချဲလ်ဆီးက အရင်ဦးပြီး

ခေါင်းတိုက်ခွင့်ရဖို့ မျှော်လင့်တာထက် ပိုနိုင်ပေမယ့် သူတို့ကစားသမားတွေအနေနဲ့

ရီးရဲနောက်ခံလူတွေနဲ့ အမြင့်ဘောယှဉ်လုရာမှာ တုန့်ဆိုင်းမနေသင့်ပါဘူး။

လူကာကူ ဒဏ်ရာရနေတာကြောင့် ယခုပွဲစဉ်မှာလည်း ဟားဗတ်ကပဲ

ချဲလ်ဆီးတိုက်စစ်ကို ဦးဆောင်လာနိုင်ပြီး အရပ် ( ၆ ) ပေ ( ၃ ) လက်မ ရှိတာကြောင့်

ရီးရဲခံစစ်ကို ကောင်းကောင်း ဒုက္ခပေးနိုင်စွမ်းရှိပါတယ်။

zawgyi

ဘာေနဗ်ဴးမွာ ရီးရဲကို ခ်ဲလ္ဆီးက ဒီနည္းလမ္း ( ၃ ) ခုနဲ႔ အႏိုင္ယူႏိုင္မလား?

ေသာမတ္ တူဟယ္က ပထမအက‌‌်ာ့ ( ၃-၁ ) ရႈံးနိမ့္မႈကို ဆန္တီယာဂို

ဘာေနဗ်ဴးမွာ ျပန္လွန္ပစ္ႏိုင္ဖို႔ ျပင္ဆင္လ်က္ရွိပါတယ္။ ဒါေပမယ့္ ဘယ္အဂၤလိပ္

ကလပ္ကမွ ဘာေနဗ်ဴးမွာ တစ္ဂိုးထက္ပိုတဲ့ ရလာဒ္နဲ႔ ရီးရဲမက္ဒရစ္ကို အႏိုင္မရဖူးပါဘူး။

ဒါေၾကာင့္ တူဟယ္အေနနဲ႔ မျဖစ္ႏိုင္လုနီးပါး ခက္ခဲတဲ့ အလုပ္ကို ဘယ္လို

စြမ္းေဆာင္ျပလို႔ရႏိုင္မလဲဆိုတာ သုံးသပ္တင္ျပေပးလိုက္ပါတယ္။

( ၁ ) ဗင္နီဆီးယပ္ ဂ်ဴနီယာကို ပိတ္ဆို႔ထားပါ။

ပထမအေက်ာ့မွာ ကာရင္ ဘင္ဇီးမားက ဟက္ထရစ္သြင္းယူၿပီး ခ်ဲလ္ဆီးကို

အဓိက ဖ်က္ဆီးခဲ့ေပမယ့္ ေသာမတ္ တူဟယ္ရဲ႕ အသင္းက ဗင္နီးဆီးယက္

ဂ်ဴနီယာဦးေဆာင္တဲ့ ရီးရဲဘယ္ေတာင္ပံကို တားဆီးႏိုင္ျခင္း မရွိခဲ့ပါဘူး။

တူဟယ္ကလည္း ဒါဟာ သူ႔ရဲ႕ အမွားလို႔ ဝန္ခံထားၿပီး ယခုပြဲစဥ္မွာ ဒါမ်ိဳးထပ္လုပ္လို႔မရေတာ့ပါဘူး။

တူဟယ္က တခါတေလ ပိုၿပီးျမန္တဲ့ ရိစ္ဂ်ိမ္းစ္ကို ခံစစ္( ၃ ) ေယာက္တန္းမွာထားၿပီး

ကစားဖူးပါတယ္။ အဂၤလန္လက္ေ႐ြးစင္က မက္ဒရစ္ ဘယ္ျခမ္းကို တားဆီးရာမွာ

ပိုမိုထိေရာက္ႏိုင္ပါတယ္။ ဒါေပမယ့္ သူ႔ရဲ႕ တိုက္စစ္လိုက္ပါႏိုင္မႈစြမ္းရည္ေတြကိုေတာ့

ဆုံးရႈံးသြားမွာျဖစ္ပါတယ္။ ဂ်ိမ္းစ္က ခရစၥတင္ဆန္ထက္ေတာ့ ဗင္နီကို

တစ္ေယာက္ခ်င္းထိန္းတဲ့ေနရာမွာ ပိုၿပီး သက္ေသာင့္သက္သာရွိပါလိမ့္မယ္။

( ၂ ) ဝါရင့္ကြင္းလယ္ကို ဖ်က္ဆီးပါ။

တူဟယ္က ပြဲႀကိဳသတင္းစာ ရွင္းလင္းပြဲမွာ ရီးရဲမက္ဒရစ္က ပထမအေက်ာ့အတြင္း

ေဘာလုံးပိုင္ဆိုင္မႈနဲ႔ ပြဲကို ထိန္းခ်ဳပ္ထားခဲ့တယ္လို႔ ဆိုပါတယ္။

( ၂ ) ေယာက္ေပါင္း အသက္ ( ၆၈ ) ႏွစ္အ႐ြယ္ရွိၿပီျဖစ္တဲ့ လူကာ မိုဒရစ္ ႏွင့္ တိုနီ ခ႐ူစ္တို႔သာ

ဒီပြဲမွာလည္း ပုံမွန္ေျခစြမ္းရေနမယ္ဆိုရင္ ခ်ဲလ္ဆီးရဲ႕ ျပန္လာဖို႔ ေမွ်ာ္လင့္ခ်က္

မရွိသေလာက္နည္းသြားပါၿပီ။ ဒါေၾကာင့္ ခ်ဲလ္ဆီးအေနနဲ႔ ရီးရဲမက္ဒရစ္ကြင္းလယ္

အခက္ေတြေစဖို႔ press ေတြ ၊ counter-press ေတြကို ထိထိေရာက္ေရာက္ ျပဳလုပ္ဖို႔ လိုအပ္ပါတယ္။

ၿပီးခဲ့တဲ့ႏွစ္ ရီးရဲနဲ႔ ေတြ႕ဆုံမႈေတြမွာ ကန္ေတက ကြင္းလယ္ကို လႊမ္းမိုးထားႏိုင္ခဲ့ၿပီး

ယခုပြဲစဥ္မွာလည္း သူ႔ထံကေန အေကာင္းဆုံးေျခစြမ္း လိုအပ္ပါတယ္။

( ၃ ) ျဖတ္တင္ေဘာေတြကေန တိုက္စစ္ဆင္ပါ။

ရီးရဲရဲ႕ ျဖတ္တင္ေဘာ‌ေတြကို တားဆီးရာမွာ အားနည္းမႈရွိတဲ့ အခ်က္က ဘာစီလိုနာနဲ႔

ပြဲစဥ္ကိုၾကည့္ရင္သိႏိုင္ပါတယ္။ ကတ္တလန္ကလပ္က ပထမပိုင္းအတြင္း ေတာင္ပံကေန

တိက်တဲ့ ျဖတ္တင္ေဘာေတြမွတစ္ဆင့္ သြင္းဂိုး ( ၂ ) ဂိုး ရယူႏိုင္ခဲ့ပါတယ္။

ပထမအေက်ာ့ စတန္ဖို႔ဒ္ဘရစ္ခ်္မွာလည္း ကိုင္ဟားဗတ္က ေဂ်ာ္ဂ်င္ဟိုရဲ႕

ျဖတ္တင္ေဘာကို အဆုံးသတ္သြားခဲ့တာျဖစ္ပါတယ္။

ဒုတိယပိုင္းမွာလည္း ျဖတ္တင္ေဘာေတြကေန ေနာက္ထပ္အခြင့္အေရးေတြ ရခဲ့ပါေသးတယ္။

တူဟယ္ရဲ႕ game plan က ဧရိယာထဲ ျဖတ္တင္ေဘာေတြပို႔ၿပီး ခ်ဲလ္ဆီးက အရင္ဦးၿပီး

ေခါင္းတိုက္ခြင့္ရဖို႔ ေမွ်ာ္လင့္တာထက္ ပိုႏိုင္ေပမယ့္ သူတို႔ကစားသမားေတြအေနနဲ႔

ရီးရဲေနာက္ခံလူေတြနဲ႔ အျမင့္ေဘာယွဥ္လုရာမွာ တုန႔္ဆိုင္းမေနသင့္ပါဘူး။

လူကာကူ ဒဏ္ရာရေနတာေၾကာင့္ ယခုပြဲစဥ္မွာလည္း ဟားဗတ္ကပဲ

ခ်ဲလ္ဆီးတိုက္စစ္ကို ဦးေဆာင္လာႏိုင္ၿပီး အရပ္ ( ၆ ) ေပ ( ၃ ) လက္မ ရွိတာေၾကာင့္

ရီးရဲခံစစ္ကို ေကာင္းေကာင္း ဒုကၡေပးႏိုင္စြမ္းရွိပါတယ္။