ကနေဒါအသင်းရဲ့ ကံကောင်းစေတဲ့ လပ်ကီးဓား

ကနေဒါအသင်းဟာ ၁၉၈၆ နောက်ပိုင်းမှာပထမဆုံးအကြိမ်အဖြစ်

ကမ္ဘာ့ဖလားခြေစစ်ပွဲအောင်မြင်ပြီးတဲ့နောက် နည်းပြဂျွန်ဟက်ဒ်မန်းက

သူတို့အသင်းရဲ့အဆောင်လိုဖြစ်နေတဲ့ ခြေစစ်ပွဲကစားတိုင်းယူသွားတဲ့

ဓားအကြောင်းကိုထုတ်ပြောသွားပါတယ်။ ကနေဒါအသင်းဟာ

ကွန်ကာကက်ဖ်ဇုန်ခြေစစ်ပွဲမှာ အမေရိကန်နဲ့ မက္ကဆီ တို့လိုအသင်းတွေကို

ကျော်ပြီး အုပ်စုထိပ်ဆုံးမှာရပ်တည်ကာ ၂၀၂၂ ကမ္ဘာ့ဖလားခြေစစ်ပွဲ

အောင်မြင်ခဲ့တာဖြစ်ပါတယ်။ သူတို့ဟာခြေစစ်ပွဲကစားတဲ့ပွဲတိုင်းကို

ဓားတစ်လက်ယူဆောင်သွားလေ့ရှိပြီး ဒီဓားမှာ ကာတာ ၂၀၂၂(Qatar 2022)

လို့ရေးထိုးထားတာပါ။ ဒီဓားဟာ မြောက်အမေရိကမှာ ရိုးရာအဆောင်လိုဖြစ်နေပြီး

ကံကောင်းမှုတွေကိုယူဆောင်ပေးတယ်လို့လည်းအယူရှိကြပါတယ်။

ကနေဒါဟာ ဂျမေကာအသင်းကို ၄ ဂိုးပြတ်နဲ့နိုင်ပြီးနောက် ကမ္ဘာ့ဖလားဆီ

တက်လှမ်းခွင့်ရရှိခဲ့တာပါ။ ကနေဒါဟာပြီးခဲ့တဲ့တစ်ပတ်က ကော်စတာရီကာနဲ့

အဝေးကွင်းကစားဖို့ သွားရောက်ချိန်မှာ သူတို့မှာပါလာတဲ့ ဓားကို

လေဆိပ်အကောက်ခွန်တာဝန်ရှိသူတွေက သိမ်းဆည်းခဲ့ပါတယ်။

ဒီဓားမပါဘဲကစားခဲ့ရာမှာသူတို့ဟာ အိမ်ရှင်ကော်စတာရီကာကို ၁-၀ နဲ့

ရှုံးနိမ့်ခဲ့ပြီး ဒါဟာခြေစစ်ပွဲတစ်လျှောက်သူတို့ရဲ့ တစ်ပွဲတည်းသောရှုံးနိမ့်မှုလည်းဖြစ်ခဲ့ပါတယ်။

ဒါပေမယ့် အပြန်ခရီးမှာတော့သူတို့ဓားကိုတာဝန်ရှိသူတွေက ပြန်ပေးခဲ့တယ်လို့လည်း

သိရပါတယ်။ နည်းပြဟက်ဒ်မန်းက”ဒီဓားက ကနေဒါအသစ် ‘New Canada’ ကို

ကိုယ်စားပြုတဲ့ အထိမ်းအမှတ်ပေါ့ဗျာ။ အသင်းသားတွေကို ငါတို့မှာဒိုင်းတစ်ခု

အမြဲတမ်းရှိနေပေမယ့် ဘယ်အရာကိုမှမကြောက်ဖို့အတွက် ဓားတစ်လက်

ဖန်တီးဖို့လိုအပ်တယ်လို့ ပြောခဲ့ပါတယ်။ ဘာမှမကြောက်ဘူးဆိုတာကို

လက်တင်လို ‘Nihil timendum est,’ လို့ခေါ်တာပေါ့ဗျာ။

ကနေဒါအသစ်အတွက်ဒီဓားကိုဆောင်ပြီး ကျွန်တော်တို့ကစားခဲ့တာပါ။

ဒီဓားပါသွားတာနဲ့ ဘယ်ကွင်းမဆိုကျွန်တော်တို့ကွင်းလိုဖြစ်သွားပြီး

ကနေဒါအသစ်ဖြစ်သွားတာပေါ့” လို့ပြောသွားပါတယ်။

ဂျမေကာနဲ့ပွဲမကစားခင်မှာ ဟက်ဒ်မန်းက” ဒီဓားကိုကျွန်တော်တို့ပြန်ရပြီဗျ။

ပြန်ရလာပြီဗျ” လို့ယုံကြည်စွာနဲ့ပြောခဲ့တဲ့အတိုင်း ၄ ဂိုးပြတ်နိုင်ခဲ့ပြီး ခြေစစ်ပွဲအောင်ခဲ့တာပါ။

ကနေဒါဟာအရင်တုန်းကတော့ မြောက်အမေရိကမှာ ဒုတိယတန်းအဆင့်သာရှိခဲ့ပေမယ့်

အခုဆိုရင်ပိုမိုထက်မြတ်တဲ့အသင်းတစ်ခုဖြစ်လာပြီး ပြိုင်ဘက်အမေရိကန်ကို

ကျော်ကာခြေစစ်ပွဲအောင်ခဲ့လို့ သူတို့ဆောင်ထားတဲ့ဓားက အလုပ်ဖြစ်ခဲ့တယ်လို့လည်း

သုံးသပ်ကြပါတယ်။ သူတို့ရဲ့ဓားဟာလာမယ့်နိုဝင်ဘာလမှာကျင်းပမယ့်

ကာတာ ကမ္ဘာ့ဖလားမှာရော အလုပ်ဖြစ်မလားဆိုတာစောင့်ကြည့်ရမှာဖြစ်ပါတယ်။

zawgyi

ကေနဒါအသင္းရဲ႕ ကံေကာင္းေစတဲ့ လပ္ကီးဓား

ကေနဒါအသင္းဟာ ၁၉၈၆ ေနာက္ပိုင္းမွာပထမဆုံးအႀကိမ္အျဖစ္

ကမာၻ႔ဖလားေျခစစ္ပြဲေအာင္ျမင္ၿပီးတဲ့ေနာက္ နည္းျပဂြၽန္ဟက္ဒ္မန္းက

သူတို႔အသင္းရဲ႕အေဆာင္လိုျဖစ္ေနတဲ့ ေျခစစ္ပြဲကစားတိုင္းယူသြားတဲ့

ဓားအေၾကာင္းကိုထုတ္ေျပာသြားပါတယ္။ ကေနဒါအသင္းဟာ

ကြန္ကာကက္ဖ္ဇုန္ေျခစစ္ပြဲမွာ အေမရိကန္နဲ႔ မကၠဆီ တို႔လိုအသင္းေတြကို

ေက်ာ္ၿပီး အုပ္စုထိပ္ဆုံးမွာရပ္တည္ကာ ၂၀၂၂ ကမာၻ႔ဖလားေျခစစ္ပြဲ

ေအာင္ျမင္ခဲ့တာျဖစ္ပါတယ္။ သူတို႔ဟာေျခစစ္ပြဲကစားတဲ့ပြဲတိုင္းကို

ဓားတစ္လက္ယူေဆာင္သြားေလ့ရွိၿပီး ဒီဓားမွာ ကာတာ ၂၀၂၂(Qatar 2022)

လို႔ေရးထိုးထားတာပါ။ ဒီဓားဟာ ေျမာက္အေမရိကမွာ ႐ိုးရာအေဆာင္လိုျဖစ္ေနၿပီး

ကံေကာင္းမႈေတြကိုယူေဆာင္ေပးတယ္လို႔လည္းအယူရွိၾကပါတယ္။

ကေနဒါဟာ ဂ်ေမကာအသင္းကို ၄ ဂိုးျပတ္နဲ႔ႏိုင္ၿပီးေနာက္ ကမာၻ႔ဖလားဆီ

တက္လွမ္းခြင့္ရရွိခဲ့တာပါ။ ကေနဒါဟာၿပီးခဲ့တဲ့တစ္ပတ္က ေကာ္စတာရီကာနဲ႔

အေဝးကြင္းကစားဖို႔ သြားေရာက္ခ်ိန္မွာ သူတို႔မွာပါလာတဲ့ ဓားကို

ေလဆိပ္အေကာက္ခြန္တာဝန္ရွိသူေတြက သိမ္းဆည္းခဲ့ပါတယ္။

ဒီဓားမပါဘဲကစားခဲ့ရာမွာသူတို႔ဟာ အိမ္ရွင္ေကာ္စတာရီကာကို ၁-၀ နဲ႔

ရႈံးနိမ့္ခဲ့ၿပီး ဒါဟာေျခစစ္ပြဲတစ္ေလွ်ာက္သူတို႔ရဲ႕ တစ္ပြဲတည္းေသာရႈံးနိမ့္မႈလည္းျဖစ္ခဲ့ပါတယ္။

ဒါေပမယ့္ အျပန္ခရီးမွာေတာ့သူတို႔ဓားကိုတာဝန္ရွိသူေတြက ျပန္ေပးခဲ့တယ္လို႔လည္း

သိရပါတယ္။ နည္းျပဟက္ဒ္မန္းက”ဒီဓားက ကေနဒါအသစ္ ‘New Canada’ ကို

ကိုယ္စားျပဳတဲ့ အထိမ္းအမွတ္ေပါ့ဗ်ာ။ အသင္းသားေတြကို ငါတို႔မွာဒိုင္းတစ္ခု

အၿမဲတမ္းရွိေနေပမယ့္ ဘယ္အရာကိုမွမေၾကာက္ဖို႔အတြက္ ဓားတစ္လက္

ဖန္တီးဖို႔လိုအပ္တယ္လို႔ ေျပာခဲ့ပါတယ္။ ဘာမွမေၾကာက္ဘူးဆိုတာကို

လက္တင္လို ‘Nihil timendum est,’ လို႔ေခၚတာေပါ့ဗ်ာ။

ကေနဒါအသစ္အတြက္ဒီဓားကိုေဆာင္ၿပီး ကြၽန္ေတာ္တို႔ကစားခဲ့တာပါ။

ဒီဓားပါသြားတာနဲ႔ ဘယ္ကြင္းမဆိုကြၽန္ေတာ္တို႔ကြင္းလိုျဖစ္သြားၿပီး

ကေနဒါအသစ္ျဖစ္သြားတာေပါ့” လို႔ေျပာသြားပါတယ္။

ဂ်ေမကာနဲ႔ပြဲမကစားခင္မွာ ဟက္ဒ္မန္းက” ဒီဓားကိုကြၽန္ေတာ္တို႔ျပန္ရၿပီဗ်။

ျပန္ရလာၿပီဗ်” လို႔ယုံၾကည္စြာနဲ႔ေျပာခဲ့တဲ့အတိုင္း ၄ ဂိုးျပတ္ႏိုင္ခဲ့ၿပီး ေျခစစ္ပြဲေအာင္ခဲ့တာပါ။

ကေနဒါဟာအရင္တုန္းကေတာ့ ေျမာက္အေမရိကမွာ ဒုတိယတန္းအဆင့္သာရွိခဲ့ေပမယ့္

အခုဆိုရင္ပိုမိုထက္ျမတ္တဲ့အသင္းတစ္ခုျဖစ္လာၿပီး ၿပိဳင္ဘက္အေမရိကန္ကို

ေက်ာ္ကာေျခစစ္ပြဲေအာင္ခဲ့လို႔ သူတို႔ေဆာင္ထားတဲ့ဓားက အလုပ္ျဖစ္ခဲ့တယ္လို႔လည္း

သုံးသပ္ၾကပါတယ္။ သူတို႔ရဲ႕ဓားဟာလာမယ့္ႏိုဝင္ဘာလမွာက်င္းပမယ့္

ကာတာ ကမာၻ႔ဖလားမွာေရာ အလုပ္ျဖစ္မလားဆိုတာေစာင့္ၾကည့္ရမွာျဖစ္ပါတယ္။